الدكتورة ليلي الهمامى توجه رسائل نارية للمتطاولين علي مصر وشعبها كل المصريين

كتب – علاء حمدي

وجهت الدكتورة/ ليلي الهمامي – مرشحة الرئاسة التونسية السابقة رسائل نارية لكل من يتطاول علي مصر وشعبها وذلك للمصريين ردا علي البعض في الكويت ودويلة قطر عبر صفحتها الرسمية علي موقع التواصل الفيس بوك حيث قالت :
‎يا مصري .. لما حد يقولك أنت منين .. رد عليه قوله أنا من البلد اللي فيها الفلسطيني والعراقي والسوري والليبي واليمني والسوداني عايشين فيها و مفيهاش مخيمات وقوله أنا من البلد اللي ياما كست و علمت و لبست حافيين من غير مقابل وقوله أنا من البلد اللي مفتوحه لكل اللي بيسعي علي شغل و اكل عيش مهما‏كانت جنسيته و من غير كفيل ….
قوله أنا من البلد اللي حررت أرضها بدم ولادها مطلبتش من حد يموت عشان يحررها…. وقوله أنا من البلد اللي إستقبلتكم كلكم لاجئين و لما إتحرقت في العدوان الثلاثي محدش من أهلها لجأ لحد بره حدودها…. وقوله أنا من البلد اللي جدودها بالدهب مدفونين ….. قوله أنا من البلد‏اللي مفيهاش عيل قفل حمام علي أبوه و خد منه الكرسي… ولا فيها ولاد منها في الصحرا “بدون” جنسية مرميين ….
قوله أنا من البلد اللي آوت المسيح و أمه و نصفت يوسف بعد ما إخواته فالجُب رموه… وقوله أنا من البلد اللي شعبها كله جيش وجيشها خير جنود الأرض وقوله أنا من البلد اللي قامت فيها ثورتين ولسه اللي يلمس طرف مجدي يعقوب فيها بسنانهم ياكلوه وقوله أنا من ‎مصر أم الدنيا …. لو لم أكن تونسية لطلبت من الله أن أكون مصرية شكراااا جزيلاً لكي كل الاحترام والتقدير من كل المصريين