بوابة الأخبار العربية تأسست وكالة A N G عام 2009 على يد الفنان والكاتب الصحفي ناصر عبد الحفيظ 
كتبت-مروة حسن
تحدث الفنان حمادة هلال مع الإعلامي عمرو الليثي في برنامج واحد من الناس مساء أمس الجمعة الموافق 16 أكتوبر وتحدث عن قصة مرض والدته واللحظات الأخيرة التي مرت بها وذلك عندما تم عرض صورة لها في البرنامج.
وقال الفنان حمادة هلال بأن والدته عاشت حياة صعبة وكانت سند لوالده وأضاف كانت ممكن متأكلش عشان احنا نتعلم وعلمتني ازاي أحافظ على النعمة وازاي أحب أخواتي وأحافظ عليهم وأضاف أمي فضل عندها مرض السرطان 3 سنين ومكنتش تعرف لأني محبتش أعرفها.
واستكمل كلامه وقال ده اكتشفناه لما قالتلي صدرها واجعها ولما روحنا للدكتور فقال لي أن عندها سرطان وطلب نعمل تحاليل وللأسف لقينا السرطان في كل جسمها وأشار أنه طلب من جميع المتواجدين في المركز ألا يخبروها بحقيقة مرضها.
وتابع كلامه يقولوا لها بأن علاجها من هشاشة عظام بسيطة وأضاف لما الدكتور قالي هنديها كيماوي رفضت وقلتله شوف البديل فقالي الهرمونات والأدوية الذكية وفعلا بتروح تأخذ العلاج وتقولي انا حاسة انى تعبانة فكنت بفهمها أن ده لازم عشان الأدوية.
وأضاف الفنان حمادة هلال وقال بعدها بشهرين والدتي تعبت تاني والدكتور قال لي انا مضطر أديها كيماوي ولما حصل لقيت شعرها بيقع فقعدت أفكر في أي فكرة وفهمتها ان دي صبغة حطيناها بس وقعت شعرها وصدقتنى لأنها كانت بتصدقني في أي حاجة.
وقال من خلال حديثه أنا مكنتش بكذب عليها ولكن عشان كان نفسي تقعد معايا أطول وقت ممكن وربنا متعبهاش في آخر لحظات حياتها ولكنها دخلت في فترة غيبوبة وساعتها كانت زي الطفلة ومش بتآكل غير فاكهة ومش حاسة بطعم أي حاجة.
وساعتها كنا خايفين نوديها المستشفى بسبب فيروس كورونا وبعد فترة روحنا المركز الطبي العالمي وقال انه شعر بقرب رحيل والدته في أواخر أيامها وبالفعل جهز الكفن وتحدث إليها وكأنه يودعها وراضي بقضاء الله.
