بوابة الأخبار العربية تأسست وكالة A N G عام 2009 على يد الفنان والكاتب الصحفي ناصر عبد الحفيظ 
كتبت _ مروة حسن
خرج مطرب المهرجانات عمر كمال عن صمته وقام بالرد على هجوم حمو بيكا من خلال بث مباشر عبر صفحته الرسمية على موقع التواصل الإجتماعي ”فيسبوك“، وقال: ”أنا أتحملت كتير جدا إهانات من بعض الناس، لكن أنا ممكن أطلع أقولك يا «أبوكرش» لكن كل ده كلام قلة أدب وقلة ذوق مليش فيه ومش بحب أقولها”.
وأضاف: “أنا أول أغنية أكسب منها علي قناتى كانت كانت أغنية «إنتي معلمة» وكل الأغانى إللي قبل كده كنت بديها لحمو بيكا ولباقي الناس، عشان يرفعها على قناته ويكسب منها بما فيهم أغاني كانت من إنتاجى أنا، والله مكنتش باخد فلوسهم لأنى بكسب من زمان وسيبتك تاكل عيش“.
وتابع: ”الشخص إللي بيتكلم عليا ده أول ما بينزل القاهرة بيجي على شقتى وواكلين عيش وملح مع بعض، إللي حصل إن وأنا قاعد عند الحلاق بتاعي ومعايا حمو فوجئت إنه جايب واحد صاحب سنتر بتاع فساتين وعايزنا نعمله إعلان من غير ما ياخد إذنى، وأنا أتحرجت أرفض قدام الراجل، بس أنا مش عايز اعمل مهرجان لبوتيك فساتين أفراح، أنا عايز اعمل فن كويس زى بنت الجيران وعود البطل وكل مهرجاناتى، وحتى بعد الإتفاق ولا سألنى تاخد كام، على عكس ما بعمل معاه في أى فرح حد بيطلبه فيه”.
وقال “عيب تقول عليا إني صحبة مزيفة محدش وقف معاك قدي، ممكن تكون فلوسك دلوقتي مش مناسبني أنا عمري ما كسبت من وراك، طول عمري بسيب للناس شغلى وتراكاتي تكسب من ورايا، أنا اللي بتكلملك مع نقابة الموسيقين ومع أستاذ هاني شاكر في مشكلتك الأخيرة، وتراك إنتي معلمة سبب تأخيره وجودك معايا فيه وأنا إللي رحت واتكلمت وقولتهم ده قلبه ابيض ومفيش كلام فيه إسفاف ، وعيب يا بيكا تكتب بوست كدة احنا كلنا عيش وملح مع بعض في بيتي اتصل بيا قولي
وأختتم: عيب تقول عمرو كمال صحبة مزيفة، أنا سيبتلك 12 تراك كلت من وراهم الشهد، حتى العربية بتاعتك أنا اتصدرت أنا ومدير أعمالى عند المعرض عشان يقسطهالك، وضمنتك فى مليون و800 ألف جنيه، ولو كنت لوحدك مكنش حد هيديك عربية”.
